Column 1:

anduz şarābın pişirmek dilese evvelā anduzı pāk yayqaya‑ // sın ufaq ufaq dorġayasın anda ṣarb sirke icine // qoyub bir ṣırça çölmek icine qoyasın aġzın muḥkem baġlıyasın // bir yėrde qoyasın qırq gün dursun andan çıqarup bir ince // bezde sizdüresin ve anduzı bıraġup sizdürduġuñ // sirkeʾi dartasın bir qısmı sirke ve iki qısmı ʿasel qoyasın // daḫı ṣa[…] [?] qor üzerine qoyasın qaynadasın ve yine // çıqarub ṣu ile ezesin daḫı aç qarnına içesin ammā ṣu // qoyduġın zamān bir qaşıġa iki qaşıq ṣu qoyasın // anda muḥkem ezüb icesin yetmiş iki dürlü derde // dermāndur her ne aṣl marīż ise şifā bula inşāʾa llāh // anṭola meşhūr otdur beyāżdur adına peyġamber çiçegi dėrler // bevāṣır zaḥmetine ġāyet eyüdür cig bal ile qarışdurub ayaza // qoyub bir gėce dura andan ṣoñra beş dirhem miqdārı iftār // olına tilki quyruġı meşhūr otdur ṣıġır quyuruġına müşā‑ // bihdür līken ol kücük dā‑i cüẕām marażına ġāyet nāfiʿdür // hem ṣuyın çıqarub içeler ve hem gendüsin ʿasel ile maʿcūn // ėdüb iftār ėdeler günde on beş kerre oqıya // ṭāʿūnda mücerrebdür yā min laṭīfin lam yazal ulṭuf [?] binā fīmā nazala // anta l‑qawīyu naǧǧinī ʿan qahrika [?] yawma l‑ḥalal [?]

Column 2:

der‑beyān‑i fażāyil‑i bārān‑i nisān Peyġamber ṣallā // llāhu ʿalyehi ve‑sellem buyurur aṣḥāb‑i kirām bilmiş // olın‑kim qacan nisān yaġmurı yaġsa ṣuyın aluñ // bir qaba qoyun ve anın üzerine yetmiş kerre sūre‑i // fātiḥa ve yetmiş kerre āyetü l‑kürsī ve yetmiş kerre iḥlāṣ [!] // ve yetmiş kerre muʿavviẕeteyn ve yetmiş kerre subḥānullāh ve‑l‑ḥamdü li‑llāh // ve yetmiş kerre ṣalavāt‑i şerīf getüre ve her oqıduqca // ṣuya üfüre ammā iʿtiqādı muḥkem ola ve ol ṣuyı // bir şişe icine qoy(uy)a her kim ol ṣudan yedi gün yedi // gėce icse ol kimesnenün bedeninde ne‑qadar zaḥmet varsa // gizlü ve āşikāre cümlesinden ḫalāṣ bulub qurtula ve daḫı // süst‑endām icse cimāʿa qavvī ola // quli llāhumma māliki l‑mulki tuʾtī l‑mulka man tašāʾu wa‑tanziʿu l‑mulka // mimman tašāʾu wa‑tanzilu [!] man tašāʾu bi‑yadika l‑ḫayru innaka ʿalā kulli // šayʾin qadīrun tūliǧu l‑layla fī n‑nahāri wa‑tūliǧu l‑n‑nahāra fī // (fī) l‑layli wa‑tuḫriǧu l‑ḥayya mina l‑mayyiti wa‑tuḫriǧu l‑mayyita mina l‑ḥayyi // wa‑tarzuqu man tašāʾu bi‑ġayri ḥisābin

Column 3:

Muḥarrem ayun göricek aqar ṣuya baqub on tekbīr eyleye // Ṣafer ayun göricek el ayasına baqub ṭoquz tekbīr eyleye // Rebīʿ‑i evvel ayun göricek altuna yā gümüşe baqub tekbīr ėde // Rebīʿ‑i āḫir ayun göricek Qūrʾān [!] yüzine baqa on tekbīr ėde // Cemāẕīyü l‑evvel ayun göricek datlu loqmaya baqa yigirmi beş tekbīr ėde // Cemāẕīyü l‑āḫir ayun göricek göge baqa fātiḥa oqıya yigirmi beş kerre tekbīr ėde // Receb ayun göricek ṣādıq kişi yüzine baqa ṭoquz tekbīr ėde // Şaʿbān ayun göricek gümişe baqa tesbīḥ [?] oqıya yigir[mi] beş tekbīr ėde // Ramażān ayun göricek şeyḫ yüzine baqa yigir(ir)mi beş kerre tekbīr ėde // Şevvāl ayun göricek gögüsine baqa a‑lam našrah laka oqıya on tekbīr ėde //Ẕī l‑qaʿde ayun göricek aynaya baqa yāḥᵛud [!] incüye baqa otuz tekbīr ėde // Ẕī l‑ḥicce ayun göricek gendü yüzine baqa qırq beş tekbīr ėde // Allāhu ekber Allāhu ekber lā ilāha illā llāh va‑llāhu ekber Allāhu ekber // va‑llāhu l‑ḥamd